امل حياتي

ولا مرة حبيتها لام كلثوم ولا مرة أعجبني صوتها او حتى أغانيها ما تخيلتش بيوم من الايام أني اسمعلها دقيقة،، 

عرفت عيونك وضحكتك ووقتها حسيت قديشو صوتها حلو، ناعم، بياخذك لبعيييد

 بتتخيلش قديش حبيتو وقديش أعجبني 

صرت افهم اغانيها

 صرت اتخيل انا وانت

صار حلمي نكون قاعدين جنب بعض تحت شجرة  عراس الجبل

نحط اغنية لام كلثوم ونقشر مندلينا.. 

حبيت عيونك كيف بضحكولي حبيت الهوا الناعم الي بمرق من تحت اصابيعك

وانا بس صافنة فيك وانتي بتطلع عليي وبتعطيني هذيكي الضحكة ،، 

انت ما بتعرف حالة الحب المجنونة الي عشتها معك بهذيكي اللحظة 

أغاني ام كلثوم 

بكرا رح تكبر اكثر وتصير زلمة ختيار كبير 

بعد ما يمرق الوقت بسرعة وتنساني

 رح تقعد تحت كروم العنب

رح تسمع ام كلثوم وتعيش ع اغانيها  حالة  

وقتها بس رح تفهم شو انا كنت احس

رح تعرف قديش حبيتك 

رح تفهم فرحة روحي بس قلتلك

امل حياتي يا حب غالي مينتهيش..

يا احلى غنوه سمعتها قلبي ولا تتنسيش..
خد عمري كلو بس النهار ده خليني اعيش...