اصعب شعور

كثير صعب انو حدا منحبو كثير يسقط من عيننا فجأة كثير صعب انو نكون مفكرين انو هاذ الحدا استثناء و غير الكل.. ويطلع مثلو مثل اي حدا مر بحياتنا كثير صعب انو نحس حالنا اغبياء لانو رجعنا أمنا و وثقنا بحدا.. كثير صعب اننا نكتشف انو اكثر حدا منحبو بالعالم استغلنا.. لاننا ما رح نقدر لا ننتقم منو و لا نئذيه كثير صعب لما اقرب حدا الك بيخذلك.. و بيكسرك.. بس برضاك كتير صعب انو نكون مفكرين حالنا بأمان مع حدا.. و ما نخاف من اشي.. و نكون مآمنين انو اذا كل الدنيا بتئذينا و بتكذب علينا هوي ما بيئذينا.. و بالآخر.. يئذينا كثير صعب نكتشف انو طلع عنجد ما حدا قلبو طيب.. بس احنا أغبياء كثير صعب اننا نكون منعطي من قلبنا و من روحنا و من ضو عيوننا.. و نكتشف بالاخير انو ما حدا بيستاهل كثير صعب نكون معاهدين حالنا انو مش رح نسمح لحدا يوجعنا.. و لا يجرحنا.. و منرجع منغلط نفس الغلطة كثير صعب الواحد يندم لانو منيح .. و يكون متأكد انو لو كان وسخ و ابن حرام ما كان بعمرو صار فيه هيك بس احقر شعور بالدنيا.. انو الواحد يحس بكل هالاشيا و ما يقدر يعمل شي.. غير انو يهرب !!

بحاول ما افكر باشي يخليني أتذكرك ولا حتى اسمع اول اغنية هديتني إياها ولا اكثر لون بتحبو عليي ولا أزكى اكله كنا مدمنين عليها بحاول ما أتذكر كيف كنا نصلي نفس الوقت ونخلص مع بعض بحاول ما أتذكر حكياتك ولا كلمات بحبك اكثر من كل أشي ومشتقاتها بديش أتذكر اللون الي بتحبو ولا حلقة الشعر الي بحبها ولا لون وجهك بس يصير زهري بديش أتذكر كيف ضحكتك وضحكتي بس اضحكلك لما تضحكني واضحك مثل ضحكتك،،
اليوم بطلت اضحك مثلك اصلا بطلت اضحك بالمرة،، بديش يي قديش كنا مبسوطين شو الي غيرنا كان فينا نكبر مثل ما إحنا بس خلص بديش أتذكر أشي ولا حتى التاريخ اليوم والساعة

نوفمبر

http://www.youtube.com/watch?v=qnrybi_d9fE

*****************************************


كالعادة ريحة مطر سما رمادية ما في شمس تراب مبلل شوارع معباية سيارات بسرعة بدون ما نحس الدنيا بتلم غراضها وبتروح لغير مطرح بنصفي مع القمر الي مخبى ورا الغيمات ولون السما الكحلي. هاد مش وصف للشتا او للخريف او لحالة الجو هاد وصف لشهر الاكتئاب نوفمبر شهري شهر ميلادي مع انو ملان ناس بحبو المطر وكل المغنيين غنو للمطر الا انو بنوفمبر غير بتحسش المطر حلو بتحسو جاي من غل مكتئب حزين الدنيا بس بدها تمطر حتى صوت القطرات وهني يسقطو ع الارض ما منسمع صوتهن بتحس انو الغيوم مضغوطة بدها تشتي وتتريح زي ما تكون حاسس انو بدك تبكي عشان تتريح..
بنوفمبر شهر الفراق كل الناس بتفرقو احباب اصحاب ما حدا بضل مع نفس الحدا الي كان معو حتى الشجرات بتفارق وراقها وما بعودو يرجعو الارض بتحزن وما بتعود تزهر من جديد بتحس كل اشي ماخذ استراحة من كل اشي.. ميلادي كان بهاذ الشهر يمكن في الو علاقة بين اللون الاسود والرمادي الي بحبو ما بعرف يمكن عشان انا مثل شجرة خضرة بنص نوفمبر ع طول ورقاتها بتركوها ورقة ورقة وهي واقفة بس بتتفرج عليهم ما فيها تتحرك وتمسكهم وتقلهم استنو ما تروحو وتنسوني انا امكم عشنا سوا بتتذكرو !! يا خسارة ما فيها تحكي كمان ما ببان عليها اي ردت فعل غير انو ترجف.. ما بجوز نصف هاذ الشهر بانو حلو لانو مش رح يصير حلو ..بتذكر مرة حدا قال "سويت نوفمبر" وعمل فيلم بحكي عن شهر كامل كل يوم احلى من الي قبلو عن اثنين حبو بعض بس ما بكملو لانو البنت بتموت والشب بقضي طول عمرو زعلان يبكي عليها حتى بالافلام نوفمبر هو هو بتغيرش كئيب حزين قد ما حمل بطياتة لحظات حلوه الا انها بتكملش مثلي انا .. شهر كامل 30 يوم نوفمبر يلا اخلص

بتمنى

 يا ريت بس لو يكون فيي احكيلو 

قديشني مجروحة وشو مرق عليي أوجاع...

 مش عشان يشفق عليي لا بالعكس 

عشان يوعد حالو يعوضني وما يجي يوم 

ويكون سبب ينزول دمعاتي

يا ريتك تعرف عنجد شو بدي يا ريتك تفكر بقلبي وعقلي اكثر من جسمي

بديش تبوسني وتطلب صورة حلوه الي ولا بدي اخر الليل تعمل منيح عشان تكون راضي انتي بالاخير كل الي بدي إياه تحكيلي قديش بتحبني وشو رح تعمل عشاني تحكيلي عن بيتنا الصغير عن ولادنا عنا إحنا كيف رح نكون نحب بعض زي هسا او لا يا ريتك بس تفهم انو الحب مش هيك..
انا زهقت وانا اتذمر اسفة حبك بكفينيش حبك مش مغرقني ولا حتى صاير كل نفسي مش حاسة أني قريبة عليك ولا حاسة بحنيتك او بخوفك عليي الوضع هيك بزهق بالزبط زي اثنين الهم سبع سنين متجوزين فش اشي يحكو في..
انتي بدك جسمي وانا بدي روحك بدي أحضن روحك وابوس روحك اكثر من اي اشي بدي روحك تغفيني وتصحيني وما أحلى بوسة الصبح من روحك وشعور الأمان وانو ما حدا بغدر يقرب مني وانت معي ..
عرفت شو جاي عبالي.. وحياتك تكرهنيش بالليل بحبك

15:15

ما أنا كنت ناسية أني بحبك ليش الساعة ع طول بتذكرني فيك ١٠:١٠،، ١٥:١٥ عطول بفكر معقول هو بفكر فيي؟،، بفتح ع صورو وبتفرج علي.. لكل صورة بعثلي اياها قصة او موقف حلو وبضحك بتزكر اول ما اشترى الجالكسي وصور الشارع والبيت وغرفتو.. بتذكر حتى صورة كلاب الشيواوا البيض الصغار الي عطول بضلو ينبحو حد شغلو وقت ما يطلع برا ليحكي معي ييي شو حلوين حكالي عن كلب اسمو ماجيك حكيتلو ننجيب واحد مثلهن ونسمي انجيل.. بتذكر صورتو وبثمو السيجارة وقتها كان تعبان كثير يييي شو كان شنع بس أنا استحليتو اه لاني بحبو شفتو أحلى من كل الدنيا،، صورة الورد والبيتسا الي كان يعملها،، حتى صورتو وهو يشتغل.. بتذكر صورتو وهو بصف البستان حكالي انو كان يلعب فطبول ونادتو المعلمة عشان يجي يتصور كان شعرو مبلل بالصورة،، وكمان صورة وهو قاعد عالثلج كان لابس ازرق وابيض وعلى بلوزتو رجل ثلج بضحك بشبهو قديش ضحكت عهاي الصورة ههه.. بتذكر صورو وهو ازعر ايام الصياعة كان حلو بس أنا محبيتهنش لأنو شكلو مش زي ما أنا بعرفو بس مش مهم هسا صرت أنا بعيونو عشان هيك صار أحلى.. بتذكر صورة البحبك بالانجليزي كتبها من حبات الشكلاطة،، بتذكر صورة الهدية الي جبلي اياها بس ما اعطاني اياها كانت عبارة عن سوارة من حلا كنت أضل اشتري منها ونا صغيرة ما شفتش أحلى منها أزكى أشياء طفولتي مع ايدو.. 

بكره أتذكر لأنو كل مرة بنزلو دموعي ما بحس  الا بملمسهن ع خدي ووجع عيوني :) 

بتحبيني!

سألني بتحبيني؟

جاوبتو اه 

حكالي انتي حبيبتي

قلتلو اه

متعودة لما ديجي يروح يقلي : مين حبيبي وروحي وعمري ومتعود احكيلو أنا  

بفكر انو هيك بنبسط وبحس بحبو بعرفش انو حكي الغزل بحسسينيش بحرف حب...بديش احب بدي انحب واحس بهاذ الحب الي بخلي عضامي يتقلصو بس اسمع نفسو بدي يقولي بحبك مش بتحبيني بدي يقلي اشتقتلك بدي يحكيلي عن بيتنا الي رح يجمعنا أنا واياة بديش يضايقني بوحدة ضحكت بوجهو او وحدة حكت معو بدي يقلي شو ما يعملو مش رح يلفت نظري غيرك بس انتي بدي احس أني حلوه انو مخلقش مثلي انو الو بس الو بدي يقلي كل ليله استنيني أنا ع وعدي بدي يقلي تخافيش أنا معك بدي يقلي ماما مش رح اتركك بدي يقلي رح اعمل المستحيل عشان نمسك ادين بعض قدام كل العالم بدي يحضني بمشاعرو بحبو الي بنقط منو بدي يخليني مبسوطة اضحك من جوات قلبي بدي اضحك عشان قلبي طاير وبضحك مش من طرف قلبي عشان مش عارفة شو اقول بدي حب حقيقي بالزبط زي الي بالأفلام وبالقصص وبالروايات بدي حب زي ليلى بدي حدا زي مجنون يدور بالبراري عشنو اشتقلي بدي حب مثل عاصفة مثل إعصار يا بكون قوي وبهداش يا بكنش من الأساس وبوفر عليي بدي حبيبي يفهمني حتى لو قلت جملة مخربطة بدي يفهمني بدون ما احكي اشي بدي يعرف شو بفكر بدون ما أعيد ١٠ مرات افهمو قصدي بدي هيك يا ترى في يكون هيك.. ولا مرة لأنو لو بحبني بكون هيك بدون ما اكتب او اقول الحب مش شب حلو وبعرف يحكي وجسم طول وعرض وزلمة ع قد حالو لا هاد بكفيش أنا ما بدي القالب بدي القلب بدي المشاعر بدي يقلي الحب معك حلو كثير بجنن بدي يحاول المستحيل عشان سعادتي بدي يتحدا كل الدنيا عشان يكون معي.. هاد هو الحب اذا بتغدر تعطي وقتها بحقلك تقول بحب...

اشتقتلك..

بعرف انك بتفكر فيي وبعرف انو ما بدك تحاكيني عشان ما تتنازل بالزبط مثلي تماما... طيب عندي حل ،، شو رايك انت تحاكيني وانا اتنازل،، كيف؟!!

يعني اترجاك تحاكيني انتي حاكيني أو العكس،، خلينا ننسى الموضوع ما بدي أموت من حبك او من بعادك.. بحبك كون معي 3>..

بكفي حلم ...

وينتا رح تصحي من حلمك.. 

وينتا رح تقعدي وترجعي للواقع..

 وينتا رح تفهمي انو هو ما بحبك

وانك ما بتهمي 

وانك ولا اشي بالنسبة لالو 

اه انتي ولا اشي ولا حدا 

- لا هو بحبني..!

بحبك؟!!! 

لو بحبك ما بهملك 

لو بحبك ما بتركك بأكثر وقت كنتي محتاجتي في 

لو بحبك بخبيكي بقلبو 

بدير بالو عليكي 

بغمرك بضمك وبدفي قلبك لو كنتي باخر الدنيا..

- غير الكل.

شو لازم يعمل اكثر بقلبك الغبي لحتى تفهمي انو هو مثل الكل 

كم مرة لازم يجرحك ويحرقلك روحك لحتى تصدقي انو لئيم وقلبو قاسي 

انو لو بحبك ما بعمل هيك 

ولك قديش لازم يهملك حتى تفهمي انو ما في اشي اسمو ظروف؟

 انتي مش بالقلب ولا ع البال وبس !!

21:01

الذكرى لحظة خيال زمنية بتمر براس الانسان غالبا ما بترتبط بلحظة حلوه او شخص او اي اشي بتيجنا حالة الذكرى لما بتتحفز بواسطة هاي الاشياء الي ذكرتها قبل

مرات كثير بس اتفرج عحالي بالصور بتذكرنا.. بتذكر قديش كنا مبسوطين بترجعلي اللحظات الي قضيناها مع بعض.. يا ترى انتي بتتذكر مثلي؟! ع الاغلب لا.

براسي الف سؤال وجواب يا ترى رح ارجع مبسوطة مع حدا مثل ما كنت مبسوطة معو؟ رح يعوضني حدا ؟ او بصيغة ثانية رح القى حدا زيو يحسسني زي ما حسيت معو ؟

محدا بعرف .. بشتاق لاياماتنا كثير لحالي كيف كنت بمجرد التفكير بهاذ الاشي بفوتني بميت حيط وبحالة اكتئاب نفسي.



بطلع عصوري كان يموت عليي كان شايفني احلى وحده بالدنيا مكنش شايف غيري ببرائتي وجمالي كان مميز ع "رايو" ....

  

هيك احسن

كلنا منتغير منكبر ومنعيش تجارب بنحب وبفشل حبنا منصاحب ومننخان والحق بهيك قصص ما بنحط ع حدا منكبر وبتكبر معنا هالقصص الي مع مرور الوقت بنصير نشوفها تافهة،، منكبر ومنتغير افكارنا بتطور وبتصير أوضح منصير نعرف شو بدنا من الحياة ومنبني لالنا طريق مدروس لمستقبل ناجح.. شو حلوه البساطة والتفكير الإيجابي منكون شبه راضيين عن حالنا لحتى يجي شخص من القصص المخبية والمنسية برجعنا لهذيك اللحظة الي عرفناه فيها بنحس انو الزمن وقف بنحن ومنرجع للحظة لورا بالتفكير والإحساس مننبسط وبنزعل بس الشعور الي بخويف انو منحن اه منحن منضل هيك لحتى يرجع الزمن يمشي بس هالمرة بسرعة منفكرش كثير باللي صار منكمل حياتنا عادي او منلتهي بالي بنحبهم وبحاضرنا عشان منفكرش فيهم.. هيك أحسن.

يا من هواه

يا من هواه اعزهُ و اذلني
كيف السبيل الى وصالك دلني

انت الذي حلفتني و حلفت لي
و حلفت انك لا تخون فـ خنتني

و حلفت انك لا تميل مع الهوى
اين اليمين و اين ما عاهدتني

تركتني حيران صبا نائما

ارعى النجوم وانت في عيش هني

لأقعدن على الطريق و اشتكي
واقول مظلوم و انت ظلمتني

ولادعون عليك في اغسق الدجى 

يبليك ربي مثل ما ابليتني

http://www.youtube.com/watch?v=NSGEps7Wcr8&noredirect=1




.

!!

كَان عُذره أَنه لَم يَملك الوَقَت الكَافِي لِيُحادِثهَا
فَغَرق بِبحَار غِيابه تَاركًا لَها لَيلاً مَليء بِالحَنين وَدَعهَا بَعدمَا زَرع بِقَلبهَا حُبًا لَن يَمِل انتِظَاره
رى أنهَا بَكته حَتى مَلهَا البُكَاء
فَأَعلنَت عَليهوَعاد مُختَالاً بانتصَاراته التِي حَققهَا بِدَمعهَا مَا
دَ النِسيَان .. ومَا نَسيت لَكنهَا أَجادَت دَورهَا كَأُنثَى بِكبريائِهَا تَتَجَمل
كسورة الكِبريَاء
الحُب لَا يَفَألقَت بِمتاعه خَارِج قَلبها وآثَرت أَن تَمضِي بِفُؤادٍ مَكسور عَلى أَن تَبقَى
مَحتَاج لِأوقات فَراغه إِمَا أَن تَكون عاصِفَة لَا تَهدَأ بِكُل لَحظاته
أَو وَدعه لِمَن هوَ أَحَق بِحَمل قُلوب طَاعِنَة بالحُب !

..

لما منكون مبسوطين عنجد بخطرش ببالنا نتسائل اذا كنا مبسوطين او لا السعادة بتصير جزء منا.. انت ما بتتسائل اذا اديك كانو بمطرحهن او لا إحنا منتحسس الاشياء بس اذا منشك فيها

بعرف

كل شخص منا عندو دايما قصة يحكيها او يفكر فيها لما بكون لحالو
 او لما يتعرف ع صديق جديد ويوصلو لمرحلة الأسرار,
 بس اكثر اشي لما يمرق من قدامو حدا كان مرة البطل بقصتو الحزينة,,
 اه حزينة لانو القصص الواقعية هي بس قصص حزينة..!